قصه ړعب بقلم أندرو

هناك قرب مني بعدها قعد جنبي وفضل يبص في وشي كويس وقتها حسيت إن الموضوع مريب فقاطعته وقولتله
في حاجة يا أخينا ما تسيبنا نشتغل الله يرضى عليك.
رد عليا وهو بيسقفلي
اقسم بالله جامد ده انا صدقتك وطول اليوم عمال اقول هو ولا مش هو وبعد تركيز عرفت انه انت اه مانا ماتوهش عندك ابدا.
هو مين يا أخينا اللي انت بتتكلم عنه

هو مين!.. هو اللي بسهر على تحدياته طول الليل بعد الشغل بس حلوة دي والله ماحدش هيتوقع التحدي ولو كان مين بس انا كده عرفت يعني شوف انت بقى.
شوف انت عايز ايه وانا هراضيك.
حلو الكلام جوز بواكي حلوين
انت داخل على طمع خد بالك.
دول شوية فكة من اللي بتصرفهم في خروجاتك وبعدين هم مش هيبقوا جوز بس.
كمان!
ما انت لو تعرف اللي عندي عن المكان اللي انت واقف فيه دلوقتي هتديني ضعفهم مرتين.
ضعفهم مرتين مرة واحدة هم اربع بواكي بس اعرف الأول يمكن ماتعجبنيش المعلومة.
هتعجبك بالذات لما تعرف انك واقف في محل جزار ة مش من اي نوع ده محل مسكون بيسمعوا فيه اصوات ناس بتصرخ بعد نص الليل والصبح كل حاجة بترجع زي ماهي.
محل مسكون!.. انت متأكد من اللي بتقوله ولو متأكد الناس اللي برة دي بتشتري ليه ما دام المحل مسكون.
عشان الأسعار المعلم سويلم بېحرق فيها عشان هو اللي بيورد لنفسه والعالم هنا القرش عندهم غالي وضناهم نفسه في حتة اللحمة مع شربتها.
وقتها حسيت اني قدام حدث كبير والتحدي اتحول لتحدي أكبر عشان كده قولت للشاب اللي واقف معايا
يبقى متفقين يااا.
سمير محسوبك سمير ماتنساش فلوسي بقى لاحسن الكلام لسه في أوله.
مافهمتش قصده بالكلام لكنه سابني ومشي أما أنا كملت شغل لحد ما اليوم خلص وقفلت المحل مع المعلم بعدها رجعت البيت خدت دش سخن على ما فادي جالي ولما وصل قعدنا مع بعض نفرغ الكاميرات والتسجيل اللي كنت بسجله طول اليوم لحد ما جه تسجيل سمير وهو بيحكيلي عن المكان وقتها فادي بص لي وهو مستغرب فاختصرت عليه اسئلة كتير وحكيتله اللي حصل واني مستني الساعة تقرب على 12 عشان اروح على هناك واسمع الحاجات اللي بيتكلموا عنها والمفروض اني ماكنتش هقوله كل الكلام ده قبل ما اروح هناك عشان كنت هاخده معايا واعرفه كل حاجة لما نوصل لإنه لو عرف قبل ما نروح ماكنش هيجي معايا وفعلا بمجرد ما فادي سمع مني اتهمني بالجنون وان الموضوع مابقاش مجرد تحدي وهزار ده عفاريت وأشباح احنا مانعرفش ممكن يعملوا ايه لكني أصريت على موقفي وقولتله
مش يمكن الموضوع ده كله يطلع فستك في الأخر وعشان نعرف هو فستك ولا لأ يبقى لازم نروح.
بص يا صاحبي لو عايز تروح يبقى تروح لوحدك انا مش
مستغني عن روحي دول عفاريت ماحدش عالم ممكن يعملوا فينا ايه.
وبعد اصرار مني اني اروح حتى ولو لوحدي فادي جه معايا وأول ما وصلنا طلعت التسجيل وقربت من باب المحل وفي اللحظة دي سمعت صوت حد بيبكي وبيكلم شخص تاني ومرة واحدة صوت العياط اتحول لصوت قلم وانتهى الموضوع بصوت صرخات عالية قشعرت جسمي وخلت فادي يقولي
بقولك ايه انت خدت اللي انت عايزه خلاص يبقى يلا بينا نمشي قبل ما نتلبس.
هو انا همشي بس مش عشان هنتلبس عشان في حاجة جوايا بتقولي امشي.
كمان لا ده انت التحديات بتاعتك لحست دماغك خالص.
وفعلا وقتها كنت حاسس بحاجة بتقولي امشي وفضي التسجيلات ماكنتش عارف ايه هي بس عرفتها لما رجعنا البيت وبدأنا نفرغ التسجيل وأول ما جينا عند صوت الصرخات العالية سمعت صوت حد بيهمس وبيقولي جملة واحدة
يوم 11 ابريل جوة التلاجة.
مافهمتش ايه المقصد من اللي اتقال بس للأسف ماكنش فيه وقت نفكر او حتى نعيد التسجيل لأنه بمجرد ما التسجيل خلص قام اتحرق لوحده وطلع ريحة دخانة خلت فادي ينط من مكانه ويكح بصوت عالي ولإنه كان خاېف مارضيش يقعد معايا ولو للحظة واحدة ومشي وبعد ما مشي كانت الساعة جت 4 الفجر والشغل بيبتدي من 8 الصبح يعني ماقداميش غير ساعتين انامهم عشان الحق اروح وفعلا نمت نوم عميق لدرجة اني راحت عليا نومة 
تتبع
أندرو_شريف_المخوفاتي 
ثلاجة_الجزار