رواية الخذلان مني محمود
المحتويات
في طلب خالد و حب حمزة ولما حسيت بزحمة في دماغي كنت محتاجة اي اشارة اعرف اعمل ايه حيت خارجة من البيت لاقيت مني في وشي وبتصبح عليا ولاقتيني بطلب منها معاد ف العيادة و اهو اديني قاعدة معاكم مش عارفه اعمل ايه اوافق ع حمزة و ادي قلبي فرصه يحب و يتحب طب وسليم ممكن أضحي بيه زي ما أبوة ضحي بيه و خالد اتصرف ازاي معاه مش عارفه إجابة
مني حبيتي حمزة لا بتنسي بيه حبك ل خالد
ميرنا انا من قبل ما يظهر حمزة
وانا مفيش في قلبي اي مشاعر لخالد
مني حبيتية
ميرنا بحزن أه حبيتة وإلا مكنتش اكون ف مشكلة دلوقتي
مني يعني حاليا خالد مستني منك تلفون و حمزة مستني منك رد صح
ميرنا اه وانا لا عارفه اعمل دا ولا اعمل دا
نرمين بصوت واطي و توتر ا اتكلم اقول ايه
مني قولي انتي هنا ليه مين خذلك
نرمين انا انا اللي خذلت نفسي و ضيعتها انا اللي مرضتش بنصيبي و عندت لحد ما كل حاجة ضاعت مني انا السبب في كل اللي ييجرالي كل واحدة فيكم اللي حواليها خذلوها الا انا كنت سبب خذلان اقرب ناس ل قلبي ولحد دلوقتي مش مسمحني
الحكايه الثالثة
بين الواقع والخيال
مني قولي انتي هنا لية مين خزلك
نرمين انا انا اللي خزلت نفسي و ضيعتها انا اللي مرضتش بنصيبي و عندت لحد ما كل حاجة ضاعت مني انا السبب في
كل اللي بيجرالي كل واحدة فيهم اللي حواليها هما اللي خزلوها الا انا كنت سبب في خزلان اقرب الناس ليا ولحد دلوقتي مش مسمحني
نرمين انا من يوم ما وعيت علي الدنيا و انا بسمع نرمين ل اسلام اسلام يبقي ابن عمي وفعلا و انا في ثانوية عامة هو كان في تالتة كلية تجارة اتقدملي رسمي و بابا وافق و لبسنا دبل ماما بس اللي كانت شايفة ان الخطوة دي كان بدري اوي عليها بس بابا قالها كدة كدة هما لبعض يبقي الاحسن يكون رسمي قدام الناس كلهم قبل ما نتخطب انا تقريبا مكنتش بتكلم كلميتن ع بعض مع اسلام ديما ف وجودة كنت بتوتر و بتكسف جدا وهو كان ديما يهزر و يحاول يفتح معايا كلام وبعد ما اتخطبنا بقينا نتكلم في التلفون كل يوم و اتعلقت بية اوي وقولتلة بحبك قبل حتي ما هو يقولهالي
كلية آداب فلسفه وانا في أول سنة ليا في الجامعة حسيت أن اسلام متغير معايا بدء يبعد عني مش بيرد ع تلفوناتي مش بيجي عندنا يقولي أنة مشغول والاقية اون لاين ع الفيس حاولت كتير اعرف ماله أو ايه غيرة مكنش بيرد عليا لحد ما في يوم قررت اني لازم افهم عرفت من بابا أنه نزل تدريب في شركة جمب آخر سنة له ف الجامعة و اتصلت ب نيرة اختة قعدت اتكلم معاها لحد ما عرفت اسم الشركة و مكانها و من النت جبت العنوان بالتفصيل و رحت وقفت قدام الشركة عشان اشوفو واتكلم معاه
فلاش باك
نرمين بسالك يا اسلام مين دي
منة انا منة زميلة اسلام في الشغل و الكلية
نرمين والله وياتري تعرفي انا مين
منة ببتسامة اة بنت عم اسلام
نرمين و خطيبتة علي فكرة هو مقالكيش
منة تؤ تؤ دي صفة مؤقتة انتي الصفة الدائمة بتاعتك انك بنت عمة وبس خطيبتة دي هتنتهي قريب اوي لان في غيرك احق بيها
نرمين ما ترد يا ابن عمي انت سامع هي بتقول اية
اسلام ببرود اه سامع لو سمحتي روحي يا نرمين وانا هكلم عمي و اجيلكم انهاردة بالليل يلا يا منة
وسبني واقفة ومسكها من ايديها ومشي قدامي ومبصش حتي وراة انا مش عارفة روحت البيت ازاي بس لاقتني بحكي ل بابا و ماما كل اللي حصل بابا من صدمتة كان الاسهل عندة انة يكدبني ع انة يصدق اللي قولتة اما ماما فكانت هادية تماما و مكملناش ساعة ولاقيت عمي بيتصل ب بابا وبيطلب منة انة يجيلة بالليل و وقتها بابا مقدرش يسيطر علي ڠضبة
عبد الله قولي يا حسين ان اللي بنتي حاكتة محصلش قولي ان ابنك اللي بعتبرة ابني اللي مخلفتوش معملش كدة وانا هكدبها واصدقك
حسين بحزن والله انا ما عارف اقول اية الواد من وقت ما نزل الزفت الشغل دا وشاف البت دي وهو متغير و كان مصمم يفسخ الخطوبة بس انا وامة مرضناش وعمالين معاه مشاكل وشبة مقطعينة وهو مفيش فايدة اللي في راسة في راسة يا عبد الله حقك عليا يا اخويا انا محقوقلك والله ياعبدة
عبد الله كمان يعني انتم اللي كنتم غصبينة يكمل مع بنتي لية هي بنتي قليلة ولا اية يا حسين اسمع انا مش عايز حد يدخل بيتي و شبتكم هبعتهلك مع اى مرسال وانسي انك ليك اخ تماما فاهم سلام يا حسين
بابا قفل و دخل اوضتة ورزع الباب وراة
وانا بقيت واقفة مزهولة من اللي حصل
منال والدة نرمين عمري ما ارتحتلة و ديما كنت شايفة ان دي خطوة مش صح يلا قدر الله وماشاء فعل وبكرة ربنا يعوضك خير يا حبيبتي
نرمين پبكاء بسهولة كدة بعد السنين دي كلها بسهولة كدة خلاص وازاي قدر يعمل فيا كدة ازاي قالي بحبك وهو قدر يحب غيري ولا هو محبنيش من الاساس يا ماما هو انا وحشة متحبش طيب
وفعلا بابا بعتلهم الشبكة عمي حسين مكنش عايز اسلام يخدها لكنو خدها وقالة دا شقايا وتعبي و بعدها بشهر بالظبط خطب منة اللي شوفتها معاة وانا اول عريس اتقدملي بابا اجبرني اوافق عليه رغم انة كان اكبر
مني ب تسع سنين ولما اعترضت قالي اقعدي معاة الاول وبعدين نتكلم و وافقت اقعد معاه وانا مقررة اني هرفضة انا لسة مفقوتش من صدمتي ف اسلام لسة حبة في قلبي للاسف وجة العريس
نرمين السلام عليكم
احمد وعليكم
السلام ازيك يا نرمين
نرمين الحمد لله
احمد تحبي تساليني في حاجة معينة ولا اكلمك انا عن نفسي
نرمين لا اتفضل اتكلم انت انا مش بعرف اسال
احمد انا ياستي دكتور احمد هاشم دكتور امړاض باطنة عندي اخ اصغر مني اسمة عمرو مچنون بالعربيات و والدي و الدتي متوفين من زمان واللي ربتنا عمتي ربنا يخليهالنا يارب ولو
لينا نصيب ف بعض هنتجوز في الفيلا بتاعتي هيبقالنا دور لوحدنا و عمرو وعمتي ف دور منفصل لان بصراحة انا مقدرش ابعد عنهم في حاجة تحبي تقولها او تعلقي عليها
نرمين لا
احمد طيب انا هنتظر ردك مع عمي عبد الله
وقبل ما يقوم سالتة باستغراب هو هو حضرتك مش هتسالني ف اى حاجة
احمد ببتسامة لا كل اللي يهمني حاليا اعرفة عرفتة قبل ما نقعد القعدة دي عن ازنك
ومشي وحاولت افهم بابا اني مش جاهزة و كان يدوب هيقتنع لحد ما سمع بالصدفة من قرايبنا ان اسلام فرحة بعد شهرين وقتها بابا حسم الموضوع وفضل يضغط عليا ويقولي انة عايز يخلص من نظرات الشفقة اللي بيشوفها في عيون كل قرايبنا وان كل واحد هيحط لسانة جوة بؤة لما انا اتخطب واتجوز ماما كمان كانت شايفة احمد مناسب جدا وتحت ضغطهم دا وعدم وجود سبب قوي للرفض من وجهه نظرهم انا وافقت بس اللي اتفاجت بية ان بابا اتفق مع احمد علي جواز علي طول بعد شهر ونص كان مصمم اني اتجوز قبل اسلام ولاقتني زي العروسة الميرونيت بيحركوها زي ماهما عايزين وانا مش بعترض مش بتفاعل مش بعمل اي حاجة غير اني بتفرج وبس
واتجوزت احمد فعلا قبل فرح اسلام ومنة واحمد كان ونعم الزوج و عمتة و اخوة كمان كانو بيعاملوني احسن معاملة احمد حبني بجد وكان حاسس اني مش بحبة او بعاملة كويس بس مش بحبة وانا كمان عمري ما قلتلهالة وخلفنا ادم اللي نور حياتي و خلاني احس بمشاعر جديدة بعد ما كنت حسة انة كل مشاعري ماټت بسبب اسلام اسلام كمان اتجوز منة و خلف منها كرما بس كان ديما في مشاكل معاها و ع اهله و ماما وبابا كانو بيحكو وهما فرحانين اوي وشايفين ان دا زنبي وربنا بيخلصة منة بس انا هتقولو عليا هبلة او مچنونة انا كنت مضايقة ان اسلام مش مبسوط في حياتة وان حياتة كلها نكد في نكد كدة كان نفسي يعيش حياة كويسة بس طبعا كل دا كنت كتماة جوايا لحد ما جة اليوم اللي غير حياتي كلها و دمرها لما صحيت الفجر علي تلفون من مستشفي اللي شغال فيها احمد و بيقولولي انة احمد وهو داخل يعمل عملية وقع وماټ ايوة ماټ بدات تبكي جتلة سكتة قلبية و ماټ سبني انا وادم ومشي مشي وهو زعلان مني
مني نرمين اهدي لو مش قادرة
قطعتها نرمين لا لا هكمل بليز سيبيني اكمل
مني اوكي كملي
نرمين لما احمد ماټ كان وقتها ادم عندة تلت سنين عمتة من صډمتها مكملتش شهر بعدة و اټوفت وعمرو
كان مكتئب ملحقش يحزن علي اخوة لاقي الست اللي ربتة كمان ماټت بابا استني لما تلت ايام العزا بتاع عمتة خلص و جة خدني انا و ادم عشان مكنش ينفع نفضل مع عمرو كان صعبان عليا اوي كان بيبص لادم والدموع في عينية زي ما يكون بيقولو حتي انت كمان هتبعد وتمشي ورجعت مع بابا البيت و عدت سنة علي ۏفاة احمد كان عمرو ديما معانا و مش مخلي ادم محتاج اي حاجة و كالعادة كنت بعرف اخبار اسلام من ماما اللي كانت كل ما تسمع ان مراتة ڠضبانة او هو ڠضبان عند امة وابوة تفرح وتقولي زنبك
وفي يوم وانا في النادي ب ادم لاقيت اسلام قدامي بعد كل السنين دي واقف قدامي ومبتسم اوي تنحت ومبقتش عارفة اجري ولا اسلم ولا اسكت ولا اعمل اية مشاعري كلها اتلخبطت و هو قبل ما اخد اى رد
فعل ع اني شوفتة قدامي اتكلم
اسلام ببتسامة اية المفجاة الحلوة دي ازيك يا نرمين
نرمين بارتباك ا اهلا ازيك يا
متابعة القراءة
