سعديه وكوثر ـ كامله ـبقلم هويدا زغلول
المحتويات
وياريت لما تيجي وننفذ المره الجايه ياريت تيجي لوحدك ممنوع حد يكون معاك أو واحد بس
فؤاد
حاضر اللي تشوفيه وبالمناسبة خودي دي شنطة فيها مليون والباقي لما العمليه تخلص
كوثر
وهو انا نصيبي هيكون كام ياباشا
فؤاد
المليون ده ومليون زيه لما الحاجة تخرج
كوثر
والأسياد ملهومش نصيب ولا ياباشا مش برضو المفروض انهم ليهم نصيب ولا ايه
اسياد ايه ياكوثر انتي هتضحكي عليا ولا هتضحكي على نفسكهما الأسياد دول بياخدوا فلوس برضو مش انا اللي يتنصب عليا فوقي كده واعرفي انتي بتتكلمي مع مين
كوثر
عندك حق الأسياد فعلا مش بياخدوا فلوس بس بياخدوا أرواح وبرقت بعيونها لفؤاد اللي خاف من بصتها بس عمل نفسه انه مش خاېف وقال لها
هتبقي نشوف الحكاية دي بعدين بس المهم تنجزي المهمة دي بسرعه مفهوم
مفهوووم
وعدت الايام وفضلت كوثر تخطط لليوم اللي هتخرج فيه الحاجة اللي المقپرة وبقت تعمل طلاسم وتعاويذ وتستعد استعداد جامد ومحدش عارف ايه اللي في دماغها وفي يوم راح لها فؤاد وقال لها
انتي طولتي اوي انا مش فاهم انتي بتعملي ايه عشان كل التأخير ده خلي بالك انا مش لوحدي ومعايا ناس تقيلة اوي في البلد
ياباشا قولت لك كله باوانة هو احنا نعرف ايه اللي هيحصل زانا مستنية أوامر عشان انا كمان مش لوحدي انا معايا جامدين ولازم اجهز لحاجة زي دي
فؤاد
بقولك ايه ياست انتي عايزاني ازود لك الفلوس وعشان كده بتااخري الحاجة ياريت افهم ايه اللي بتفكري فيه بالظبط وايه الحكاية في العطلة دي
كوثر
اسمع ياباشا الموضوع اللي انت جاي لي فيه ده محدش هيخلصو لك غيري اني وبس واظن انت جيت لي هنا من الصيت بتاعي صح ولا لأ
بصراحة ايوه عشان كده عايزك تنجزي المهمة ونخلص
كوثر
الحكاية محتاجة شوية وقت وصبر مش لازم تكون بسرعه عشان الحاجة تطلع لا احنا لازم نصبر
فؤاد
ياستي انا صبرت كتير اوي في الموضوع ده انا جبت قبلك اتنين معرفوش يعملو حاجة ودلوقتي مفيش غيرك قدامي يبقا نعدي الموضوع ده علطول ونخلص
كوثر
امرك ياباشا انا اصلا سايبة كل الشغل الخفيف السعدية اختي بتعمله بدالي ومفضية نفسي لشغلنتك دي وبس أصلها عايزة اللي عارف الشغلانة على أصولها وانت سيد العارفين بقا ياباشا على العموم هاااانت
لما نشوف اخرتها معاكي ايه ياكوثر انا كده عايز اجي المره الجايه الاقيكي بتقولي لي هننفذ خلاص
كوثر
حاضر ياباشا روح انت وحط في بطنك بطيخة صيفي واطمن كله جاي
ومشي من عندها فؤاد وكان جمال جوه مستخبي وخرج لها لما فؤاد مشي وقال لها
ايه هننفذ امتى ياست الستات انا عايز اقبض بقا
كوثر
خلاص قربنا يادكتور بس اسمع انت لقيت الناس اللي هتاخد الحاجة ومن غير ماحد يحس بينا يعني انا مش عايزة شوشره في الحكاية دي انت عارف الدهب اللي هناك ااد ايه
انا اتفقت مع الناس اللي هتاخد الحاجة طبعا وكله مترتب والصطة ياست الناس المهم انتي بس تخرجي الحاجة دي ونقبض وكله يبقا تمام
ودخلت على كلامهم سعدية وقالت لها
والله انا خاېفه منك ياكوثر وخاېفة من اللي هيجرا لنا من الناس دي لما يعرفو انك هتغدري بيهم
كوثر
ناس مين دول ياسعدية انتي بتصدقي كلام الراجل اللي اسمه فؤاد ده الراجل ده لوحده بطوله وهو بيقول كده بس عشان يخوفنا بس على مين ده انا كوثر والاجر على الله هو بس جاى يلعب في منطقتشي ومش عارف انا مين
سعدية
ربنا يستر بقا بس انا بقول لك بعد ماتخلص الحكاية احنا نسيب ام البلد الفقر دي ونروح نعيش في اي مكان
متابعة القراءة
