دخلت صاحبتي المطلقه بيتي
المحتويات
انا كنت بسال عنك علطول
خالد
اهلا وسهلا بيكي يامدام ملك انتي منورانا والله عن اذنكم هدخل الاوضة اغير هدومي
داليا
ماشي ياحبيبي روح انت غير هدومك لحد ما احضر السفرة انا خلصت الاكل
ودخل خالد غير وخرج من الاوضة كنت انا بحط الاكل على السفره وقعدنا ناكل وملك قالت
تسلم ايديكي يا داليا الاكل يجنن والله انتي اصلا طول عمرك شاطرة في المطبخ
لا مش اوي كده ياملك لحسن اتغررر ولا حاجة
خالد
انتي تتغري براحتك ياروحي انتي اصلا اكلك يجنن واي حاجه بتعمليها انا بحبها اوي
بصت له ملك بغل وحقد وانا قولت لخالد
ربنا يخليك ليا ياحبيبي انت اللي رافع من روحي المعنوية والله ياقلبي
وفضلنا نتكلم كتير اوي لحد ماخلصنا اكل وملك قالت
داليا
تمشي تروحي فين بس ياملك انتي تفضلي معانا النهارده وخلاص
ملك
لا لا ياستي انتي عايز خالد جوزي يقولي بالسلامة لا انا همشي احسن
خالد
لا طبعا ازاي بقا انتي منورانا يامدام ملك والله وانا مقدرش اقولك امشي انتي تقعدي هنا براحتك وانا اللي امشي
لا معلش انا همشي بقا عشان الوقت يلا مع السلامه
داليا
لا استنى خالد يوصلك طبعا مش هينفع تمشي دلوقتي لوحدك ياملك انا كده هبقا قلقانة عليكي روح ياخالد وصلها
خالد
طيب حاضر انا هلبس هدومي بسرعة واجي معاكي اوصلك لحظه بس
ودخل خالد يلبس وملك قالت
يابنتي انا مكنتش عايزاه يتعب نفسه ياداليا الراجل اكيد راجع من شغله وعايز يرتاح
هو هيخسر ايه يعني ياملك ماهي العربية معاه تحت البيت المهم انتي خلي بالك من نفسك وابقي طمنيني عليكي ماشي
ملك
حاضر ياحبيبتي وخرج خالد وقال يلا بينا
ونزلت ملك مع خالد في العربية وفضلت تبص عليه كل شوية وهي قاعده جنبة وقالت له
انت تعرف ان داليا عرفت تختار بصراحة زوج زيك في حنيتك كده لازم تخليها متعلقه بيك بعكس الزوج اللي بيبقا بخيل في كل حاجة حتى في مشاعره
والله يامدام ملك داليا طيبه وبنت حلال جدا وعرفت تحتويني وتخليني احبها وعمري مابص لواحده غيرها ابدا
ملك
اكيد طبعا بس رجاله مهما الست تعملهم م بيطمر فيهم بتديله حنانها وبتديله حياتها وهو في المقابل بيرميها
خالد
ياساتر ده يبقا مش راجل ده بقا الراجل هو اللي يعرف يحافظ على الست اللي معاه
عندك حق بس الرجاله اللي زي كده قليلين جدا يلا ربنا يهدي على فكرة احنا وصلنا البيت اللي هناك ده
خالد
أها طيب حمد الله على السلامة ياريت تبقى تكرري الزيارة دي تاني البيت مفتوح لكي في اي وقت يامدام ملك
ملك
مدام ايه بس انا سمي ملك بس ياخالد ماشي
خالد
خلاص تمام ياملك
ملك بدلع
طيب باي باي خلي بالك من نفسك وانا راجع
خالد
ان شاء الله مع السلامة
ورجع خالد البيت ودخل وقالي
حبيبي اللي وحشني اوووي لا وكنتي عايزة تخلي صاحبتك تبات معانا عشان كنت بصي خنقتك
داليا
اخس عليك ياخالد ليه بس دي ملك غلبانة اوي دي عندها مشكله مع جوزها ومطلقها النهاردة بسبب مامته
خالد
أها لا ياشيخة يعني هي جايه عشان عندها مشكله مع جوزها طيب واحنا مالنا بقا تعالي تعالي ندخل اوضتنا عايزك في كلمتين بلا صحبتك بلا بتاع يلا بينا
وعند ملك راحت تفتح باب شقتها بالمفتاح اللي معاها ولقت المفتاح مش بيفتح وفضلت تجرب كل المفاتيح مفيش فايده وندهت على مرات عمها وقالت
يامرات عمي يامرات عمي هو حد غير كالون الشقه بتاعتي
طلعت مرات عمها وقالت
مين ملك انتي ايه اللي جابك هنا انتي مش اتجوزتي وخلاص جايه ليه
ملك
ايه الكلام اللي انتي بتقوليه دة
متابعة القراءة
