جاهلة بقلم زوزة

تحضروه هنا 
اومات براسها وقالت ماشي وذهبوا يوصلوا الحاج احمد واحضروا ملابسهم وجلسوا معهم 

ثاني يوم في الصباح 
في فيلا عدي 
كان عدي ووالدته وقمر ورزان يجلسون علي طاوله الافطار 
فقالت قمر وهي تنظر إلي عمتها عمتو انا انهارده عايزه اروح انا ورزان نجيب فساتين عشان فرح حسام وعايزه اروح اسلم علي عمتو بردو واشوفها محتاجه حاجه عشان الفرح أو اساعدها في اي حاجه 
نظرت لها عمتها وقالت ماشي يا حبيبتي روحي وخدي عدي يوصلكم تجيبوا فساتين ويوصلكوا عند عمتك ولما تخلصوا رنوا عليه يجيلكوا 
ردت عليها قمر وقالت ماشي يا عمتو 
تحدث عدي بضحك وقال سواق الست قمر انا بس يلا انا كده كده مش بمشي غير بسواق معايا عشان معرفش الأماكن هنا 
نظرت له بضحك ثم قالت ده انا همرمطك معايا ساعه الفستان زي ما انت كنت بتمرمطني معاك في لبسك فاكر 
نظر لها بضحك وقال خلي قلبك ابيض يا قمر بقا 
نظرت له بضحك وقالت لاااااا 
وبعد مده قاموا وذهبوا الي منزل حسام وكان عبارة عن فيلا 
دخلت قمر ومعها رزان وعدي ورحبت بهم عمتها وجلسوا سويا معها وبعد كدة اتي حسام وقال ازيك يا قمر عامله ايه 
ردت عليه بابتسامه وقالت الحمد لله كويسه وانت عامل ايه الف مبروك 
رد عليها بابتسامه الله يبارك فيكي ثم نظر لها باستغراب من وجود عدي وقال كنتي بتقولي انك هتبعدي عننا احنا الاتنين بس اللي شايفه عكس كده ده جاي معاكي مصر وقام برفع حاجبه بتريقه 
نظر له عدي پحده ثم قال لا انا هنا في مصر قبل قمر بفتره اصلا معرفتكش بنفسي انا صاحب شركه القمر اللي فتحت في مصر هنا واه نسيت اعرفك بردو قمر تبقي بنت خاااالي يعني زيك زي ثم قام وقف بعصبيه 
نظرت قمر له وقالت اقعد يا عدي اهدي حسام ميقصدش هو لسه ميعرفش ثم نظرت إلي عمتها وقالت عمتو عارفه عمتو اخت بابا في الرضاعه 
نظرت لها عمتها باندهاش وقالت ايوه بس اخبارها انقطعت عن أبوكي من زمان انا عمري ماشوفتها بس كنت اسمع عنها ديما من امي واخويا الله يرحمهم 
تحدثت قمر بهدوء وقالت ماهي لما نزلت مصر راحت بيتنا القديم وسألت علينا وكده ووصلت لبيت وعرفت اللي حصل بقا وطلعت ام عدي هي عمتي وعدي طلع ابن عمتي 
نظرت ام حسام له وقالت تعالي في حضڼي يا عدي يا حبيبي انا في مقام خالتك يا حبيبي ثم أخذته بالحضن وهي تقول لازم أقابل امك هي اخت محمد تبقي اختي كنت وانا صغيره بغير منها وعمري ما حبيت اشوفها بس محمد كان بيحبها اوووي وانا هحبها زي ما هو بيحبها ثم نظرت إلي حسام وقالت حسام تروح تعزم خالتك في بيتهم وتعزم عدي بردو هو يبقي ابن خالتك 
نظر لها حسام پصدمه وقال يعني ايه ابن خالتي انا مش فاهم حاجه 
قالت والدته هفهمك كل حاجه يا حسام 
نظرت لها قمر وهي تقول طيب انتي ياعمتو محتاجه مني اي مساعدة عشان الفرح لو في اي مساعدة قوليلي وانا هساعدك فيها 
نظرت لها عمتها بحب وقالت يا حبيبه عمتك ياعمري لا ياروحي حاجة الفرح كلها جاهزه لانه هيكون في الاوتيل وهما متكلفين بكل حاجه 
قامت قمر وحضنتها وقالت ماشي ياعمتو لو احتاجتي اي حاجه كلميني وانا هكون عندك علي طول ودلوقتي هستاذنك عشان نروح نجهز فساتين الفرح 
ردت عليها وقالت ماشي يا حبيبة عمتك طيب ما تقعدي معايا لغاية الفرح 
ردت عليها بحب وقالت معلش يا عمتو مره تانيه بس عمتو مامت عدي هي لسه عارفه اني بنت اخوها وعايزاني افضل جمبها شويه وقالت لخالو وهو وافق مره تانيه هقعد معاكي 
ردت عليها بحب وقالت ماشي يا حبيبتي علي راحتك ده بيت عمتك والتاني بردو بيت عمتك 
تمتم حسام بصوت واطي وهو يقول قال تقعد هناك عشان عمتها قال هتلاقيها قاعده عشان عدي اللي ما صدقت يكون كده ويمكن تكون هي اللي قايللاه علي الموضوع ده وهو ايجه ومثلوا عشان يكونوا مع بعض اشكال وسخه الحمد لله لولا الحلم اللي نجدني منها كان فاتني ضعت معاها 
سمعه عدي ثم قام وقف بعصبيه ويحاول مسك أعصابه من أجل عمته التي تجلس وقال يلا يا قمر عشان رزان بردو عايزه تجيب حاجات ولسه قدامنا حاجات كتيره 
تحدثت بهدوء وقالت ماشي ثم ودعت عمتها وباركت الي حسام الذي لا يطيقها وذهبت مع عدي ورزان الي المول لياتوا بالفساتين وبالفعل رزان وقمر طلعوا عين عدي معاهم في الفساتين واللف علي المحلات وهو لم يزهق ولكن كان يضحك معهم ويمثل أنه زهق منهم ولكنه كان يحب أن يقضي أي وقت مع قمر حبيبته 
البارت 29
بعد مرور ثلاثة أيام 
اليوم هو ميعاد زفاف ميار وحسام 
في فيلا عدي 
كانت ميار ورزان يتجهزون من أجل الفرح 
ارتدت رزان فستان احمر ضيق واكمامه من الدانتيل واحد الأكمام ينزل باتساع وشفاف من ورود الدانتيل وتركت لشعرها الحريه وعملت مكياج خفيف 
أما قمر فأرادت فستان من الشيفون لونه بين التركواز واللبني اكمامه من الشيفون والواسع ومرسومه بورود وضيق من فوق وينزل بوسع وارتدت طرحه من نفس اللون ووضعت الكحل فقط وملمع شفاه خفيف فهي لا تحتاج إلي زيادة جمالها 
أما عدي فارتدي بدله باللون الكحلي الغامق شمواه وبيبونه من نفس اللون وقميص أبيض وساعه وجذمة ورش من عطره ثم سرح شعره وكان جذاااب جدا بهذه الهيئة الرجاليه الجميله 
أما والدة عدي فاعتذرت منهم أنها لا تستطيع أن تذهب فهي تحس ببعض التعب وقالت لهم أن يقولوا لوالدة حسام أنها سوف تذهب لها في يوم اخر غير اليوم لكي تهنئها 
كان عدي يقف في الاسفل ينتظر نزول قمر ورزان نزلت رزان الاول فانبهر عدي بهيئتها وقال لها اوووبا يا رزان شكلك يابت هتطلعي بعريس من الفرح انهارده 
ضحكت رزان وقالت بذمتك ياشيخ انت لبناني انت 
ضحك عدي وقال لا ياختي اسم الله عليكي انتي يابت 
شاركته رزان الضحك وهي تغمز له وتقول امال لو شوفت عقلك هيطير بقا 
شرد بجمال قمر بخياله وقال بهيام اكتر من كده ثم انتبه علي نفسه وقال بضحك بت انتي هي اخت ولم يستطع أن يكمل الجمله حتي راي ملاك ينزل من علي السلم في هيئة بشړ ظل ينظر لها بحب وهيام كم هي جميله كم تبدو رائعه بفستانها الهادئ وجمالها الطبيعي الهادئ ظل ينظر لها مدة ولم ينتبه علي نفسه غير وهي تقول له مالك يا عدي في حاجه فيا مش مظبوطه بتبصلي كده ليه 
نظرت له رزان وهي تضحك وتقولك اااااه اختك اااااه 
انتبه علي نفسه وقال ايه القمر ده فعلا اسم علي مسمي بس طالعه زي الملائكه ولله 
نظرت له بخجل وقالت يعني شكلي حلو 
نظر لها بحب وقال ده انا خاېف تتخطفي مني انهارده ولله بجمالك ده يخربيت كده ثم أكمل بجديه وقال قمر سيبك من الفرح انا اخاڤ حد يعاكس القمر ده قدامي وصدقيني هعمل مشكله ومش هستحمل 
نظرت له بخجل وقالت وهي تنظر إلي هيئته الجميله لاول مره بتلك النظره التي لم تفهمها وهي تقول وانت كمان طالع حلو وشبه الممثلين واحلي 
غمز لها بعينه وقال يعني عجبت سمو الاميره 
تحدثت بضحك وقالت ايوه 
نظر لها ثم إلي رزان وقال ما تيجوا نخرج ونسيبنا من الفرح انا عارف ان هيحصل مشكله انهارده
بسببكم انتم الاتنين 
ضحكت الفتاتان وقالوا لا ويلا عشان اتاخرنا 
ذهب أمامهم الي السياره وهو يقول يااارب صبرني ومعملش مشكله بسبب الاتنين دول انهارده وركبت الفتيات معه وذهبوا الي الفرح 

في الفندق 
في غرفة ميار 
كانت ميار جهزت فكانت ترتدي فستان مفتوح من عند الصدر وينزل من علي الاكتاف ومنفوش من المنتصف بتدرجات 
كانت ميار تقف بهيئاتها تلك وتنظر الي المرأة بتفاخر وتعالي وهي تقول لنفسها اكيد مفيش حد احلي مني انهارده واخير هنشوف ست قمر دي واكيد هتنصدم لما تشوف جمالي 
دخل احمد إلي الغرفه وقال اختي بقت عروسه يا ولااااه مبروووووك يا ميااار 
نظرت إلي اخيها وقالت ها ايه رايك فيا 
نظر لها احمد وقال ميه ميه العريس هيتجنن لما يشوفك ها قوليلي انا هعرف قمر دي ازاي 
نظرت له ميار بشړ وقالت خليك جمبي طول الفرح واول ما اعرفها هقولك عليها بس متخليش حد ياخد باله ماشي 
نظر لها بشړ وقال اكيييييد ده اخوكي مستني الست قمر دي عشان يشوفها اووووووي

اووووي 
ضحكت وقالت اااه ما انا عارفه 
ثم سمعوا خبط علي الباب فذهب احمد اخو ميار فتح الباب ووجد حسام يقف علي الباب بهيئاته الجذابه فكان يرتدي بدله باللون الاسود وقميص أبيض وجرافيت مخطط وكان مسرح شعره بطريقه جذابه جدااا 
قال حسام بابتسامه ها ميار جاهزه يا احمد 
ابتسم له احمد مجاملة وقال ايه الحلاوة دي عريس ايوه العروسه جاهزه ولما تشوفهها عقلك هيطير 
راي حسام ميار وانبهر من طالتها الرائعه فقال ايه الجمال ده كله 
نظرت له ميار بخجل وقالت شكرا 
قبل حسام راسها ثم اخذها إلي الأسفل وهي ممسكه بيده 
نزلوا إلي الأسفل وسط الاحتفالات والأجواء الجميله 
رأتهم والدة حسام فلوت شفاتيها وقالت مع نفسها عجباك في ايه دي يا ابن بطني دي هتوقعك في المصائب وبكره تقول امي قالت 
ظلت والدة حسام ترحب بضيوفها ثم وجدت عدي يدخل وخلفه قمر ورزان رحبت بهم بشدة وسط فرحتها بجمال ابنة اخاها ورقتها ثم أخذتهم لكي يباركوا للحسام اوصلتهم ثم تركتهم لترحب بباقي الضيوف 
ذهبت قمر ورزان وعدي ليباركوا لحسام فقال عدي وهو يسلم علي حسام الف مبروك يا حسام ربنا يتمم علي خير 
أما قمر فقالت بابتسامتها الجميله الف مبروك يا حسام ثم نظرت إلي ميار بابتسامه وقالت عروستك قمر يا حسام ثم قالت الف مبروووك يا عروسه ربنا يتمملكوا علي خير 
تحدثت رزان بهدوء وقالت الف مبروك يا جماعه ربنا يتمم بخير 
رد حسام بابتسامه وهو ينظر إلي قمر وجمالها وقال الله يبارك فيكوا يا جماعه 
نظرت ميار الي حسام وقالت بهدوء مين دول يا حسام 
رد عليها وقال دي قمر بنت خالي ودي صاحبتها رزان وده عدي يعتبر ابن خالتي وصديق قمر