هتبقي خدامتي مش مراتي

_ هتبقي خدامتي مش مراتي! 
اي! 
_ أيوا.. هو دا المعني الوحيد لجوازك من واحد معاق واحد مشلۏل فاهمه!!
الكل أخلي مسئوليته عني بفكرة الجواز السخيفة دي هنجوزك واحدة وهي تخدمك يبقي دا معناه انك خدامة هنا مش زوجة.. 
بس.. أنت كنت تقدر توظف حد يخدمك مكانش هيبقي صعب عليك يعني دا معناه انك اختارتني زوجة.. 

_ الموظف مش بيفكر في الاستقالة كتير زي ما الزوجة بتفكر ألف مرة في الطلاق أومال انتي مفكره عمي اختارك ليه انتي بالذات وكمان زوجة مش موظفه لأن بما انك مش موظفة يبقي مش هيكون عندك الصلاحية تستقيلي وبسبب وضعك مش هيكون عند صلاحية تطلبي الطلاق.. صح!! اظن انك كدا فهمتي كويس.. 
فهمت شكرا علي صراحتك يا جاسر بية..
ابتسم جاسر وحرك مقعده للخلف تجاه غرفتة بينما لازالت مكانها تمسك بفستانها البسيط..
_ كويس أوي.. مطيعة.. كويس أوي..
جلست بالخارج تخلع حذائها الغير مريح تجوب بعينيها بالمكان منظم بشكل كبير و مساحته كبيرة ليستطيع مالكه التحرك بحرية بكرسيه المتحرك.. 
كان يراقبها من شاشة حاسوبه وهو يخلع رابطة عنقه لم تتأثر كثيرا فهي لم تتزوجه لتصبح زوجة بل لتصبح المتحكمة في أمواله...
_ فرودس... تعالي هنا..
حملت طرف فستانها و تحركت تجاه غرفته و وقفت منتظرة طلبه الأول منها..
_هاتي التيشرت والبنطلون الأسود من الدولاب ودخليهم الحمام وياريت تبدأي تجهزي العشاء و العلاج ولا حابة تاخدي النهاردة اجازة بمناسبة فرحك!!
لا.. هجهزلك حاجتك..
وضعت له ثيابه بمرحاضه ثم خرجت من الغرفة واتجهت للمطبخ تسخن الطعام اهتز هاتفها الذي كان بوضعية الصامت فأجابت بقلق..
_ ها.. قولتيله انك تمسكي الشغل ولا لا!! 
لا.. ابن اخوك اللي كان عامل نفسه غلبان ومكسور مش طايقني قالي اني هبقي خدامة عنده يعني تنسوا خالص الموضوع دا.. 
_ يعني اي بقي احنا هنخيب ولا اي يا فيفي!! 
أوف يعني انا أعمله اي!! 
_ معاكي اسبوعين اسبوعين و تخليه يمضي علي التوكيل العام ماشي يا فيفي ولا تحبي اخلف بوعدي معاكي!! 
لا.. خلاص هحاول أكسب ثقته.. 
_ تكسبي ثقته بس!! فيفي اتدلعي عليه وخليه خاتم في صباعك انتي مش واحد صاحبه.. انجزي!! 
اوف حاضر حاضر..
في غرفته...
ماجد عاوزك تخلص وتجيبلي الورق اللي قولتلك عليه.. 
_ ماشي يا جاسر بس أنت عار... يا جدع ابعد دا أنت خنيق!! 
أنا!! 
_ لا لا دا الزفت معاذ لازق فيا.. يا حبيبي مبنتكلمش في حاجه بيسألني في الشغل ابعد عني بقي بطل تلزيق.. 
معاذ شغل!!! شغل اي يوم فرحه اديهولي كدا!! 
جاسر بضيق نعم.. نعم يا استاذ معاذ عاوز مني اي!! بس خد بالك كل كلمة مش هتعجبني فيها خصم اسبوع من مرتبك.. 
معاذ لا لا أنت زي الفل أنا كنت بس طيب انا هروح بقي اشوف شغلي اصل انا بشتغل ليل ونهار علشان خاطر نوصل الشركة لمكان اعلي و احب ان مديري يكون فخور بيا.. 
جاسر تمام اتكل وسيبني اكلم ماجد علشان اقوله الكلمتين واخلص!! 
معاذ بضيق طيب.. 
جاسر ها يا ماجد!! 
ماجد بتعب بكرا بليل هيكون الورق عندك في البيت.. 
جاسر في البيت ليه! انا بكرا الصبح هاجي الشركه.. 
ماجد نعم! انت عبيط انت كمان!! اه أنت!! ومش بتكلم معاك دلوقتي علي اني شغال في شركتك او اني المحامي بتاعك لا بتكلم معاك كصاحبك و أكبر منك!! شركة اي اللي تروحها بكرا يا ابني!! مش عروستك دي أهلها واهلك هيجوا بكرا يباركولكم و الهيصه دي!! هتسيبها وتيجي!! 
جاسر بضيق ما أنت عارف اللي فيها!! عروسة اي ونيلة اي يا ماجد هو بس عمي زهق من الخدم اللي بيسيبوا الشغل فقال يجيب واحدة معرفش اخلص منها و صمم اني اتجوزها وانت عارف اني مش قادر ارفضله طلب في النهاية هو اللي شالني في وقعتي دي.. 
ماجد والله!! وأنا يعني معملتش حاجه!! 
جاسر نسيب المشكله بقي و نقعد نشوف مين شال المشلۏل اللي في حياتكم.. طيب خلاص خلي الورق معاك وانا يومين وهرجع الشركه.. 
ماجد يومي... 
جاسر ولا كلمة.. خلاص..
تحرك بكرسيه تجاه باب الغرفة وبمجرد فتحها صدع صوت إحدي الأغاني الشعبية في شقته تحرك بكرسيه للخارج بأقصي سرعة تمكن منها. 
فتح عينيه پصدمه لم يكن يتوقع حتي ما يراه أمام عينيه...
جاسر پصدمة اي دا!!
ويتبع.. 
آية_محمد. 
لا_تؤذوني التاني
جاسر پصدمة اي دا!! 
فرح

مش أنا قولتلك يا جاسر قولتلك أني هرقص في يوم فرحك قدام عروستك وقدام كل الناس بس أنت معملتش فرح علشان كدا جيت هنا ما أنا كان لازم أوفي بالوعد دا.. 
جاسر پغضب أنتي مچنونة يا فرح!! أنتي عارفه الساعة كام دلوقتي!! اسبقيني علي تحت يا فرح انزلي حالا قدامي.. 
فرح بضحك وتسيب عروستك يوم فرحها!! 
جاسر سمعتي أنا قولت ايه!!
اقتربت منه فرح و ذهبت ضحكاتها وظهرت دموعها جلست علي ركبتيها أمامه وأمسكت بيده فسحب يده بعيدا عنها ولكنها لم تتراجع..
فرح ليه يا جاسر! أنا بحبك وأنت لسه بتحبني أنا قولتلك إني معنديش مشكله مع وضعك دلوقتي لأني بحبك ليه يا جاسر اختارتها هي وسيبتني أنا.. 
فردوس بملل اتأخرتي أوي علفكرا خلاص احنا اتجوزنا يعني مفيش حاجه هتغيريها.. 
جاسر إمشي يا فرح.. إمشي حالا.. 
فرح بحزن يعني اتراجعت مش هتوصلني 
جاسر لا.. وانسيني يا فرح سافري وارجعي لمامتك وابعدي عني..
تراجعت للخلف ثم خطت سريعا تجاه باب شقته وركضت للأسفل اتجهت فردوس للباب وأغلقته نظرت له قليلا ثم سألته وكأن شيئا لم يحدث..
فردوس أحطلك العشاء! 
جاسر أيوا و هاتي العلاج..
لم يكن يعنيها الأمر فلم تتأثر ولكنه لم يظهر عليه اي تأثر مما حدث استطاع كتم بداخله ما يتعايش معه من حزن الآن.. 
بعد قليل وضعت له الطعام و بجواره أدويته..
فردوس تمام كدا ممكن أدخل أنام بقي!! 
جاسر ومين هينضف السفرة بعد لما أخلص أكل!! وبعدين أنا لازم اشرب شاي بعد الأكل.. 
فردوس بضيق هعملك شاي وادخل أنام وبكرا الصبح هنضفها.. 
جاسر لا طبعا اسمعي أنا بكره قلة النضافة ومبحبش الأكل يتساب علي السفرة او برا التلاجه.. 
فردوس بملل طيب.. اتفضل كل يا جاسر بيه.. 
جاسر مش هتاكلي!
فردوس بضيق لا متشكرة مش عاوزة.. 
جاسر لا وهتوفري عليا كمان لا أنا كسبان بجد في الجوازة دي..
نظرت له فردوس بضيق وفضلت البقاء صامته تفكر كيف ستقنعه بأن يسلمها شركته كيف وهو لا يثق بها ابدا لن تستطيع أن تخدعه بسهولة يجب ان تكتسب ثقته او تحصل علي هذا التوقيع بتخديره او ما شابه.. المهم هو أن تحصل علي ذلك التوقيع بأي طريقة حتي..
أنهي طعامه فنظف تلك السفرة نظرت له بتعجب واخذت الأطباق للداخل ثم أحضرت له كوب الشاي..
جاسر يا ساتر وحش أوي والله ناصر كان بيعمله احسن من كدا.. 
فردوس بجد لا برافو عليه تصبح علي خير بقي..
فتحت الغرفة المقابلة لغرفته و ألقت بجسدها علي الفراش وذهبت في نوم عميق...
في الصباح الباكر دق باب غرفتها فخرجت منزعجة تنظر له بضيق أكبر من أمس ثيابها غير مهندمة و شعرها غير مرتب أبدا وعيناها شبه مغلقة..
فردوس بضيق الساعة سته الصبح!! اي عندك جاموسه عاوزني احلبها وانزل ابيع اللبن!! ما هو انا مش لقيالك وصف غير كدا.. 
جاسر بإبتسامة معاد الفطار.. ياريت تلمي شعرك.. 
فردوس بغيظ يا بااارد.. 
جاسر قولتي اي!! 
فردوس ولا حاجه ولا حاجة