امي والدجال
المحتويات
نرجس بغيظ
شوفي يا سيدنا انا عايزاك تقطم لي وسطها تخليها تزحف على الارض سحف تتمنى المۏت وما تطولهوش
الدجال
ده انت مقهوره منها بقى
نرجس
مقهوره دي كلمه شويه انا لو اطول اكلها باسناني كنت اكلتها نفسي اعذبها بحط راسي على المخده وبحلم بكل حاجه نفسي تحصل فيها نفسي اخليها تتذل ما تقدرش تروح الحمام وتعملها على نفسها وتبقى ريحتها مقرفه وما حدش يطيقها وجوزها يطلقها
لا كده الشغلانه عايزه تكتيك تاني مش زي كل مره والست دي انت عارفه ان احنا مش عارفين نوصل لها من كذا سنه لما بنبعت لها حاجه من عندنا بيتاذي وبيرجعوا تاني
نرجس
اقول لك ايه دي حتى في الايام اللي في رمضان المفروض ما تصومهاش بتصومها ما حدش عارف ېؤذيها على فكره انا رحت قبلك لكذا واحد وعملوا لي كثير بقى لي سنين بعمل وما فيش حاجه مقصره فيها
لا كده فهميني حته رمضان دي يعني ايه هي مش ست زي كل الستات ولا ايه
نرجس بتتنهد
لا ست وزي ما بيقولوا عليها كمان ست الستات لكن بقى لها سنين بتاخد في رمضان برشام كده بتاخدوا الستات وهي رايحه العمره ولا الحج علشان تبقى نظيفه وتاخر اسمها ايه دي
الدجال بيضحك
هي مستخسره حتى تصوم الكم يوم دول
نرجس
دي بتحضر البرشام من قبل رمضان وتقول لي عايزه اكون نظيفه عايزه اسجد لربنا وما اسيبش فرض وبتاخد البرشام وهي حاسبه المواعيد
اه قلتي لي بقى علشان كده دول بيجوا يقولوا لي ما شفناهاش يا دوبك سامعين صوت كده من بعيد وما بيعرفوش يطلوها على فكره كده الموضوع بقى شخص بالنسبه لي يانا يا هي يا انا قدرت عليها بعلمي وبالجيوش اللي معايا هي هي قدرت عليا بحته المصليه اللي بتقعد عليها
نرجس
ايوه كده انا عايزه الشغل يبقى حامي اديها ما ترحمهاش ده انا عايزاها تفرفر عايزه ريحه المسک اللي هي بتحطها تبقى ريحه لا مؤاخذه ما حدش يطيقها وعايزه جوزها اللي بيحترمها ده يتف عليها
هقعد النهارده اشاور نفسي وبكره من النجمه تيجي لي وتجيبي معاكي بكاوي كثير مش الباكوين اللي بتجيبهم لي كل مره فاهمه ولا لا نرجس يا بنت سعديه
في بيت العيله
جميله
ايه يا نرجس كنت فين كل ده في السوق تصدقي قلقت عليك ده انت خرجتي من غير ما تفطري تعالي ادخلي افطري معايا قبل ما تطلعي شقتك
نرجس
عينيا يا اختي ده انا يا دوبك جبت شويه الطلبات دول والدنيا زحمه والناس فوق بعض عقبال ما لقيت ميكروباص نطيت فيه وجيت بسرعه
بتضحكيني بطريقه كلامك دي تعالي عندي خير ربنا كثير كله من خير ابويا الله يرحمه وخير جوزك
نرجس بصوت واطي
ايوه من خير جوزي
جميله
ايوه اقعدي هنا حطي الحاجه على الترابيزه واقعدي هنا على الكنبه اللي جنب الشباك الدنيا حر والشباك ده بيجيب طراوه
نرجس
كويس هخلع الاشارب واقعد
جميله پخوف
تقلعي ايه يا شيخه لا حرام ما تقلعيش وتوري شعرك لحد العماير اللي قدامنا فيها ناس قاعده في بلكوناتها ما انت شايفاني اهو لابسه الاسدال واهو البيت من تحت لفوق بيت ابويا وشقق اخواتي في شقتي بس الستره وجبه يا اختي
ايوه طبعا الصوت وجبه يا سلام عليك كده يا جميله لما اقعد معاكي وبتفهميني كل حاجه في الدين
جميله
على فكره ده واجبي مش بامن عليكم بيه ولما بجمعكم كلكم هنا علشان انصحكم وانصح بناتكم على فكره السنين بتعدي وبنموت مش بيتبقلنا غير العمل اللي بنعمله اعمالنا الطيبه يعني اه يمكن حد
متابعة القراءة
